गदिमांची चित्रपटगीते शब्द | Marathi Film Song Lyrics
  •  
  • Box-C-30
  • कुणी तरी बोलवा दाजिबाला
  • Kuni Tari Bolwa Dajibala
  • ग.दि.माडगूळकर(गदिमा) | Ga.Di.Madgulkar


  •  

    मी तर जाते जत्रंला
    गाडीचा खोंड बिथरला
    बरं नाही घरच्या गणोबाला
    कुणी तरी बोलवा दाजिबाला

    दाजिबा सारखा दिर दुनियेमध्ये नाही
    गोर्‍या भावजयीची त्यांना लई अपूर्वाई
    त्यांची बाईल होईल तिची खरी पुण्याई
    हेंदट आमच्या नशिबाला,
    कुणी तरी बोलवा दाजिबाला



    दाजिबांचा स्वभाव लई गुलहौशी
    सजवतील घोडा सांगितल्यासरशी
    मला पुढं घेतील हसून चटदिशी
    निघता निघता उशीर झाला,
    कुणी तरी बोलवा दाजिबाला

    दाजिबा म्होरं घोड्यावर बसल्या-बसल्या
    अंगाला अंग लागतं, अन्‌ होती गुदगुल्या
    बाळपणीच्या येती आठवणी फार मागल्या
    मी लई भुलते रुबाबाला,
    कुणी तरी बोलवा दजिबाला

    साज शिणगार केला, ल्याले साखळ्या तोडे
    ऐन्याची घातली चोळी अन्‌ जरीचे लुगडे
    अशा मध्ये असावे संगे दाजिबा तगडे
    म्होरं मग ठाउक जोतिबाला,
    कुणी तरी बोलवा दाजिबाला


गदिमा गौरव | Special Quotes
  • पु.भा.भावे
    'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.
संबंधीत गाणी-कविता | Related Songs-Poems