गदिमांची चित्रपटगीते शब्द | Marathi Film Song Lyrics
  •  
  • Box-C-30
  • कुरवाळू का सखे मी
  • Kurawalu Ka Sakhe Mi
  • ग.दि.माडगूळकर(गदिमा) | Ga.Di.Madgulkar


  •  

    कुरवाळू का सखे मी हे केस रेशमाचे
    झाले तुझी जिथे मी, भय कोणते, कशाचे ?

    का झाकितेस डोळे, का वेळतेस माना ?
    गुंफून पाच बोटे का रोखिसी करांना ?
    माझे मला न ठावे हे खेळ संभ्रमाचे

    वार्‍यावरुन येतो मधुगंध मोगर्‍याचा


    तो गंध आज झाला निःश्वास भावनांचा
    तुज शोभते शुभांगी चातुर्य संयमाचे

    एकांत शांत आहे दोन्ही मने मिळाली
    प्रीति मना-मनांची दोघांसही कळाली
    जागेपणी सुखावे हे स्वप्‍न प्रेमिकांचे