गदिमांची चित्रपटगीते शब्द | Marathi Film Song Lyrics
  •  
  • Box-C-30
  • कुंभारासारखा गुरू नाही रे जगात
  • Kumbhara Sarkha Guru Nahi Re Jagat
  • ग.दि.माडगूळकर(गदिमा) | Ga.Di.Madgulkar


  •  

    कुंभारासारखा गुरू नाही रे जगात
    वरि घालितो धपाटा, आत आधाराला हात

    आधी तुडवी तुडवी मग हाते कुरवाळी
    ओल्या मातीच्या गोळ्याला येई आकृती वेगळी
    घट जाती थोराघरी, घट जाती राऊळात

    कुणी चढून बसतो गावगौरीच्या मस्तकी
    कुणी मद्यपात्र होतो रावराजांच्या हस्तकी


    आव्यातली आग नाही पुन्हा आठवत

    कुणी पुजेचा कलश, कुणी गोरसाचा माठ
    देता आकार गुरूने ज्याची त्याला लाभे वाट
    घट पावती प्रतिष्ठा गुरू राहतो अज्ञात


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems