गदिमा नवनित
  • विठ्ठलाचे पायी थरारली वीट, उठला हुंदका देहुच्या वार्‍यात,तुका समाधीत चाळवला.
    संत माळेतील मणी शेवटला,आज ओघळला एकाएकी....
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • आठवणींच्या आधी जाते
  • Aathvanichya Aadhi Jate
  • ग.दि.माडगूळकर(गदिमा) | Ga.Di.Madgulkar


  •  

    आठवणींच्या आधी जाते
    तिथे मनाचे निळे पाखरू
    खेड्यामधले घर कौलारू !

    हिरवी श्यामल भवती शेती
    पाउलवाटा अंगणी मिळती
    लव फुलवंती, जुइ शेवंती
    शेंदरी अंबा सजे मोहरू !

    चौकट तीवर बाल गणपती
    चौसोपी खण स्वागत करती
    झोपाळ्यावर अभंग कातर
    सवे लागती कड्या करकरू !

    माजघरातील उजेड मिणमिण
    वृद्ध कांकणे करिती किणकिण
    किणकिण ती हळु, ये कुरवाळू
    दूरदेशिंचे प्रौढ लेकरू !


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems