गदिमांची चित्रपटगीते शब्द | Marathi Film Song Lyrics
  •  
  • Box-C-30
  • घर हीच राजधानी
  • Ghar Hich Rajdhani
  • ग.दि.माडगूळकर(गदिमा) | Ga.Di.Madgulkar


  •  

    नाही उणे कशाचे,
    घर हीच राजधानी नाही उणे कशाचे
    संसार साजिरा हा साम्राज्य हे सुखाचे
    घर हीच राजधानी !

    राजा उदार माझा मी तृप्त पट्टराणी
    द्याया दुवा उभी ती पाठीस वृद्धवाणी
    आयुष्य वर्धती ते उद्गार सार्थकाचे

    दिन-रात आकळे ना

    क्षण चांदण्यात न्हाती
    वाटे हवेहवेसे ते सर्व येई हाती
    औदार्य येथ नांदे त्या विश्वचालकाचे

    सार्‍या फुलुन आशा बहरास बाग आली
    नि:श्वास-श्वास सारे स्वरधुंद राग झाले
    भर त्यात अमृताची वच सानुल्या मुखाचे


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems