गदिमा नवनित
  • लळा-जिव्हाळा शब्दच खोटे,मासा माशा खाई,कुणी कुणाचे नाही राजा,कुणी कुणाचे नाही!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • चल ग सये वारुळाला
  • Chal Ga Saye Warulala
  • ग.दि.माडगूळकर(गदिमा) | Ga.Di.Madgulkar


  •  

    चल ग सये वारुळाला, वारुळाला, वारुळाला ग
    नागोबाला पूजायाला, पूजायाला, पूजायाला ग

    नागोबाचे अंथरूण निजले वरी नारायण
    साती फडा ऊभारून धरती धरी सावरून
    दूध-लाह्या वाहू त्याला, वाहू त्याला, नागोबाला

    बारा घरच्या बाराजणी, बाराजणी, बाराजणी
    रूपवंती कुंवारिणी, कुंवारिणी, कुंवारिणी
    नागोबाची पुजू फणी, कुंकवाचा मागू धनी
    राजपद मागू त्याला, मागू त्याला, नागोबाला

    बाळपण त्याला वाहू, त्याला वाहू, त्याला वाहू ग
    नागिणीचा रंग घेऊ, रंग घेऊ, रंग घेऊ ग
    नागोबाला फुलं वाहू, लालमणी माथी लेवू ग
    औक्ष मागू कुंकवाला, कुंकवाला, बाई कुंकवाला


गदिमा गौरव | Special Quotes
  • पु.भा.भावे
    'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.
संबंधीत गाणी-कविता | Related Songs-Poems