चंदाराणी का ग दिसतेस थकल्यावाणी
ग.दि.माडगूळकर(गदिमा) | Ga.Di.Madgulkar
चंदाराणी, चंदाराणी, का ग दिसतेस थकल्यावाणी
शाळा ते घर, घर ते शाळा, आम्हां येतो कंटाळा
रात्रभर तू चाल चालसी, दिवसा तरी मग कोठे निजसी ?
वारा-वादळ छप्पन वेळा, थारा नाही आभाळा
कसा गडे तू तोल राखसी, पुढती पुढती पाय टाकिसी
काठी देखिल नसते हाती, थोडी नाही विश्रांती
चढसी कैसी, कशी उतरसी, निळ्या डोंगरी अखंड फिरसी
वाडा, घरकुल, घरटे नाही, आई नाही, अंगाई
म्हणुनिच का तू अवचित दडसी, लिंबामागे जाऊन रडसी