गदिमांची चित्रपटगीते शब्द | Marathi Film Song Lyrics
  •  
  • Box-C-30
  • चंदाराणी का ग दिसतेस थकल्यावाणी
  • Chandarani Ka Ga Distes
  • ग.दि.माडगूळकर(गदिमा) | Ga.Di.Madgulkar


  •  

    चंदाराणी, चंदाराणी, का ग दिसतेस थकल्यावाणी

    शाळा ते घर, घर ते शाळा, आम्हां येतो कंटाळा
    रात्रभर तू चाल चालसी, दिवसा तरी मग कोठे निजसी ?

    वारा-वादळ छप्पन वेळा, थारा नाही आभाळा
    कसा गडे तू तोल राखसी, पुढती पुढती पाय टाकिसी



    काठी देखिल नसते हाती, थोडी नाही विश्रांती
    चढसी कैसी, कशी उतरसी, निळ्या डोंगरी अखंड फिरसी

    वाडा, घरकुल, घरटे नाही, आई नाही, अंगाई
    म्हणुनिच का तू अवचित दडसी, लिंबामागे जाऊन रडसी


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems