गदिमा नवनित
  • चंदनी चितेत जळाला चंदन,
    सुगंधे भरुन मर्त्यलोक!.
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • चंद्र आणखी प्रीती यांचे काय असावे नाते
  • Chandra Anakhi Priti Yanche
  • ग.दि.माडगूळकर(गदिमा) | Ga.Di.Madgulkar


  •  

    चंद्र पाहता स‍इ प्रीतीची तरुण मना का येते ?
    चंद्र आणखी प्रीती यांचे काय असावे नाते ?

    अग कलावती तू, तुला असावी अचूक तयाची जाण ग
    अन्‌ प्रीतनगरचा राजा मन्मथ, चंद्र तयाचा प्रधान ग !
    अग प्रीतनगरची प्रजा तयाच्या मुजर्‍यासाठी येते
    अन्‌ प्रधान साक्षी ठेवून राणी आण प्रीतीची घेते

    तोंडावरती जडे काळीमा, झिजते ज्याची कला कला
    तो मदनाचा मंत्री कैसा समजुनी सांगा तुम्ही मला ?
    गुरुपत्नीशी पाप करी हा, शाप बाधला याते
    चंद्र आणखी प्रीती यांचे काय असावे नाते ?

    अग चंद्र उगवता समुद्र उसळे, चढती डोंगरलाटा
    अन्‌ तो देखावा प्रीतरसाचा शाहीर म्हणती मोठा
    अग नभ-धरणीचे अंतर त्यांच्या प्रीतिने तुटते
    अन्‌ चंद्र आणखी प्रीती यांचे तूच ठरव गे नाते !

    लाटा उठती सागरात ज्या, त्या तर त्याच्या लेकी
    चंद्र-लहरिंची प्रीत जोडिती त्यांची फिरली डोकी !
    सख्खि बहिण अन्‌ सख्ख्या भावाची प्रीत कधी का होते ?
    चंद्र आणखी प्रीती यांचे काय असावे नाते ?

    अग चंद्र कसा ग होईल भाऊ उगाच सागरलाटांचा ?
    अन्‌ आधारासी दाव पुरावा, नको धिटावा ओठांचा !

    देवदानवी समुद्रमंथन पुराणांतरी केले ना !
    मंथनात त्या रत्‍न चंद्रमा उसळुन वरती आले ना !
    जन्म पावला सागरपोटी तो तर त्याचा बेटा
    त्याच सागरी जन्मतात ना निळ्या उसळत्या लाटा !

    अहो बहिण-भाऊ याहून कुठले चंद्र-लहरिंचे नाते ?
    चंद्र पाहता स‍इ प्रीतीची तरुण मना का येते ?


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems