गदिमांची चित्रपटगीते शब्द | Marathi Film Song Lyrics
  •  
  • Box-C-30
  • चंद्रावरती दोन गुलाब
  • Chandra Warti Don Gulab
  • ग.दि.माडगूळकर(गदिमा) | Ga.Di.Madgulkar


  •  

    चंद्रावरती दोन गुलाब !
    सहज दृष्टिला घडला लाभ

    उंच इमारत संगमरवरी
    उभी गवाक्षी यवन सुंदरी
    पडदा सारुन बघे बावरी
    गोल चेहरा नयनि शराब

    पथक सोडुनी वळे वाकडा
    थयथय नाचत अबलख घोडा
    वरिल मराठा गडी फाकडा
    दुरुन न्याहळी

    तिचा रुबाब

    किंचित्‌ ढळती निळी ओढणी
    भाळावरती हळुच ओढुनी
    तीहि न्याहळी त्यास मोहुनी
    नयनांचे मग मुके जबाब

    तोच येउनी भिडली काना
    राघोबाची मेघगर्जना
    नगरपार ही चलु द्या सेना
    वळला घोडा सरला लाभ

    अटकेवरती झेंडा रोवुनि
    पुण्यास आल्या परत पलटणी
    तरीहि त्याच्या मनी लोचनी
    तरळत होते एकच ख्वाब


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1