गदिमा नवनित
  • दगडाच्या देवा दह्याच्या घागरी,अस्पृश्याच्या घरी पाणी नाही.
    पाळीव पोपट गोड फळे त्याला आणि गरिबांना कदांन्न का?
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • चांद किरणांनो जा जा
  • chand Kirananno Ja Ja
  • ग.दि.माडगूळकर(गदिमा) | Ga.Di.Madgulkar


  •  

    चांद किरणांनो जा जा जा रे माझ्या माहेरा
    फुले प्रकाशाची माझ्या दारी अंथरा

    हळू चढा खिडकीत पहा डोकावुनी आत
    मूर्त माऊलीची माझ्या न्याहळा जरा
    जा जा जा रे माझ्या माहेरा !

    पाडसाची चिंता माथी करी विरक्‍तीची पोथी
    डोळ्यांतुनी आसवांचा पाझरे झरा
    जा जा जा रे माझ्या माहेरा !

    टांगलेली छायाचित्र देवासारखे पवित्र
    स्वर्गवासी माझे बाबा रक्षिती घरा
    जा जा जा रे माझ्या माहेरा !

    पलीकडे खाटेवरी भर मध्यान्हीच्या पारी
    दिव्यातली भाऊराया वाची अक्षरा
    जा जा जा रे माझ्या माहेरा !


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems