गदिमा नवनित
  • पद्मासमान जन्मे हे काव्य जीवनी या या जीवनात काव्ये, काव्यात जीवने या!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • चिंधी बांधिते द्रौपदी
  • Chindhi Bandhite Draupadi
  • ग.दि.माडगूळकर(गदिमा) | Ga.Di.Madgulkar


  •  

    चिंधी बांधिते द्रौपदी हरिच्या बोटाला !
    भरजरी फाडुन शेला
    चिंधी बांधिते द्रौपदी हरिच्या बोटाला

    बघून तिचा तो भाव अलौकीक
    मनी कृष्णाच्या दाटे कौतुक
    कर पाठीवर पडला अपसुक
    प्रसन्न माधव झाला
    चिंधी बांधिते द्रौपदी, हरिच्या बोटाला !

    म्हणे खरी तू माझी भगिनी
    भाऊ तुझा मी दृपद नंदिनी
    साद घालिता येईन धावुनी
    प्रसंग जर का पडला
    चिंधी बांधिते द्रौपदी हरिच्या बोटाला !

    प्रसंग कैसा येईल मजवर
    पाठीस असशी तू परमेश्वर
    बोले कृष्णा दाटून गहिवर
    पूर लोचना आला
    चिंधी बांधिते द्रौपदी, हरिच्या बोटाला !


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems