गदिमांची चित्रपटगीते शब्द | Marathi Film Song Lyrics
  •  
  • Box-C-30
  • जा मुलि शकुंतले सासरी
  • Ja Muli Shakuntale Sasari
  • ग.दि.माडगूळकर(गदिमा) | Ga.Di.Madgulkar


  •  

    जा मुलि शकुंतले, सासरी
    आवरी डोळ्यांमधल्या सरी !

    वडील मंडळी असतिल कोणी
    वागच त्यांच्या अर्ध्या वचनी
    सवतीलागी मानुनी बहिणी राहि सदा हासरी !

    पतिसेवा हे ब्रीद आपुले
    देवाहुन ती थोर पाउले
    रागावून ते जरी बोलले, बोलु नको त्यावरी !



    दोन्ही कुळांचे नाव वाढवी
    पतिव्रतेची पदवी मिळवी
    संसारी तुज वाण नसावी लक्ष्मी तू साजरी !


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems