गदिमा नवनित
  • हस्ति सर्व संपदा,मस्तकात शारदा
    असे असून दिनसा,झुरसी काय व्यर्थ तू,माणसा समर्थ तू!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • जाग रे यादवा
  • Jaag Re Yadava
  • ग.दि.माडगूळकर(गदिमा) | Ga.Di.Madgulkar


  •  

    जाग रे यादवा, कृष्ण गोपालका
    फिकटल्या तारका, रात सरली
    जाग रे यादवा !

    पक्षिगण जागले, किलबिलू लागले
    अजुन का लोचनी नीज उरली, रात सरली
    जाग रे यादवा !

    उमलला फुलवरा गंध ये मोहरा
    मंद यमुनाजळी झुळुक शिरली, रात सरली


    जाग रे यादवा !

    उठुन गोपांगना करिती गोदोहना
    हरघरी जणु सुधाधार झरली, रात सरली
    जाग रे यादवा !

    निवळल्या दशदिशा अंबरी ये उषा
    सोनियाने तिची मुठ भरली, रात सरली
    जाग रे यादवा !