गदिमा नवनित
  • लबाड जोडी इमले माड्या, गुणवतांना मात्र झोपडया
    पतिव्रतेच्या गळ्यात धोंडा, वेश्येला मणीहार
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • जाहली जागी पंचवटी
  • Jahali Jagi Panchavati
  • ग.दि.माडगूळकर(गदिमा) | Ga.Di.Madgulkar


  •  

    जाहली जागी पंचवटी !
    कळ्याफुलांचे सडे सांडले झाडांच्या तळवटी

    पहाटवारा सुटला शीतळ
    अंब्यावरती बोले कोकिळ
    तापसबाळा जळा चालल्या कुंभ घेऊनी कटि
    जाहली जागी पंचवटी !

    सडा शिंपण्या आश्रमांगणी
    कवाड उघडी जनकनंदिनी
    उभा पाहिला दीर लक्ष्मण राखीत पर्णकुटी


    जाहली जागी पंचवटी !

    बघुन तयाची निष्ठा-प्रीती
    जानकी नयनी जमले मोती
    त्या मोत्यांचा सडा सांडला भूमिवर शेवटी
    जाहली जागी पंचवटी !


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems