गदिमा नवनित
  • जोंवरि हें जग, जोंवरि भाषण
    तोंवरि नूतन नित रामायण
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • जिवलगा कधि रे येशील तू
  • Jivalaga Kadhire Yeshil Tu
  • ग.दि.माडगूळकर(गदिमा) | Ga.Di.Madgulkar


  •  

    दिवसामागूनि दिवस चालले, ऋतू मागूनी ऋतू
    जिवलगा, कधि रे येशील तू ?

    धरेस भिजवून गेल्या धारा
    फुलून जाईचा सुके फुलोरा
    नभ धरणीसी जोडून गेले सप्तरंग सेतू !

    शारदशोभा आली, गेली
    रजनीगंधा फुलली, सुकली
    चंद्रकलेसम वाढुन विरले अंतरीचे हेतू !



    हेमंती तर नुरली हिरवळ
    शिशिर करी या शरिरा दुर्बळ
    पुन्हा वसंती डोलू लागे प्रेमांकित केतू !

    पुनरपि ग्रीष्मी तीच काहीली
    मेघावली नभि पुनरपि आली
    पुनश्च वर्षा लागे अमृत विरहावर ओतू !


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems