गदिमांची चित्रपटगीते शब्द | Marathi Film Song Lyrics
  •  
  • Box-C-30
  • दिली कोंबड्याने बांग
  • Dili Kombadyane Bang
  • ग.दि.माडगूळकर(गदिमा) | Ga.Di.Madgulkar


  •  

    दिली कोंबड्याने बांग
    विझे चांदण्याची रांग
    ये जाग पाखरांना, तो ऐक किलबिलाट
    झाली भली पहाट !
    रे ऊठ रानराजा झाली भली पहाट

    मुक्या लेकराची माय
    हंबरते माझी गाय
    घे ओढ वासरू ते रुतली गळ्यात गाठ

    उरी लेकराची आस


    झरे माउलीची कास
    त्या झेलताच धारा आला भरून माठ

    लागे दुडुदुडु करू
    खुळे शेळीचे कोकरू
    येताच माय चाटु ते थांबले मुकाट

    अंगे झिंझाडून सैल
    उभे ठाकले रे बैल
    गवतात झोपलेली न्हाली दंवात वाट !


गदिमा गौरव | Special Quotes
  • प्रा.रा.ग.जाधव
    माडगूळकरांनी सात आठशे वर्षांची विविध रुपरसांची परंपरा आधुनिक संस्कारांनी पुन्हा सजीव केली आहे.चैत्रबन म्हणजे या पुराण्या काव्यपरंपरेचे एक कलाप्रदर्शनच आहे.
संबंधीत गाणी-कविता | Related Songs-Poems