गदिमा नवनित
  • इथे फुलांना मरण जन्मता, दगडाला पण चिरंजीविता
    बोरीबाभळी उगाच जगती, चंदनमाथि कुठार !
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • दिली कोंबड्याने बांग
  • Dili Kombadyane Bang
  • ग.दि.माडगूळकर(गदिमा) | Ga.Di.Madgulkar


  •  

    दिली कोंबड्याने बांग
    विझे चांदण्याची रांग
    ये जाग पाखरांना, तो ऐक किलबिलाट
    झाली भली पहाट !
    रे ऊठ रानराजा झाली भली पहाट

    मुक्या लेकराची माय
    हंबरते माझी गाय
    घे ओढ वासरू ते रुतली गळ्यात गाठ

    उरी लेकराची आस


    झरे माउलीची कास
    त्या झेलताच धारा आला भरून माठ

    लागे दुडुदुडु करू
    खुळे शेळीचे कोकरू
    येताच माय चाटु ते थांबले मुकाट

    अंगे झिंझाडून सैल
    उभे ठाकले रे बैल
    गवतात झोपलेली न्हाली दंवात वाट !


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems