गदिमांची चित्रपटगीते शब्द | Marathi Film Song Lyrics
  •  
  • Box-C-30
  • तिन्हीसांज होते तुझी याद येते
  • Tinhisanj Hote Tuzi Yaad Yete
  • ग.दि.माडगूळकर(गदिमा) | Ga.Di.Madgulkar


  •  

    तिन्हीसांज होते, तुझी याद येते
    नयनी बाहुल्यांची जोडी आसवांत न्हाते

    ऊन-सावल्यांची होते उराउरी भेट
    भिरी पाखरांची येती कोटरात थेट
    घराकडे घुंगुरांची परततात गीते

    सुगंधास ओढुन घेती पाकळ्यां कुशीत
    जुळे पिंगळ्याचे बोले काहीसे खुशीत
    डोंगरात जातो वारा डोलवीत शेते



    अशा वेळी माझ्या राजा हवी तुझी साथ
    मान तुझ्या छतीवरती, तुझ्या करी हात
    मुक्यानेच माझी प्रीती तुला बोलविते


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems