गदिमा नवनित
  • दगडाच्या देवा दह्याच्या घागरी,अस्पृश्याच्या घरी पाणी नाही.
    पाळीव पोपट गोड फळे त्याला आणि गरिबांना कदांन्न का?
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • तुझे नि माझे इवले गोकुळ
  • Tuze Ni Maze Evale Gokul
  • ग.दि.माडगूळकर(गदिमा) | Ga.Di.Madgulkar


  •  

    तुझे नि माझे इवले गोकुळ
    दूर आपुले वसवू घरकुल

    एकलकोंडी एक टेकडी
    दाट तीवरी हिरवी झाडी
    मधेच बांधु सुंदर घरटे
    रानखगांची भवती किलबिल

    घरट्यापुढती बाग चिमुकली
    जाईजुईच्या प्रसन्न वेली
    कोठे मरवा कुठे मोगरा
    सतत उधळितो सुगंध शीतल



    त्या उद्यानी सायंकाळी
    सुवासिनी तू सुमुख सावळी
    वाट पाहशील निज नाथाची
    अधिरपणाने घेशिल चाहूल

    चंद्र जसा तू येशिल वरती
    मी डोळ्यांनी करीन आरती
    नित्य नवी ती भेट आपुली
    नित्य नवा तो प्रमोद निर्मल


गदिमा गौरव | Special Quotes
  • प्रा.रा.ग.जाधव
    माडगूळकरांनी सात आठशे वर्षांची विविध रुपरसांची परंपरा आधुनिक संस्कारांनी पुन्हा सजीव केली आहे.चैत्रबन म्हणजे या पुराण्या काव्यपरंपरेचे एक कलाप्रदर्शनच आहे.
संबंधीत गाणी-कविता | Related Songs-Poems