गदिमा नवनित
  • एक धागा सुखाचा, शंभर धागे दु:खाचे
    जरतारी हे वस्त्र माणसा, तुझिया आयुष्याचे
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • तुझ्या कांतिसम रक्‍तपताका
  • TUzya Kantisam Raktapataka
  • ग.दि.माडगूळकर(गदिमा) | Ga.Di.Madgulkar


  •  

    तुझ्या कांतिसम रक्‍तपताका पूर्वदिशी फडकती
    अरुण उगवला, प्रभात झाली, ऊठ महागणपती

    सूर्याआधी दर्शन घ्यावे तुझे मूषकध्वजा
    सुभद सुमंगल सर्वाआधी तुझी पाद्यपूजा
    छेडुनि वीणा जागविते तुज सरस्वती भगवती

    आवडती तुज म्हणुनि आणिली रक्‍तवर्ण कमळे
    पांचमण्याच्या किरणांसम ही हिरवी दुर्वादळे
    उभ्या

    ठाकल्या चवदा विद्या घेउनिया आरती

    शुर्पकर्णका, ऊठ गजमुखा, उठी रे मोरेश्वरा
    तिन्ही जगांचा तुच नियंता, विश्वासी आसरा
    तुझ्या दर्शना अधीर देवा हर, ब्रम्हा, श्रीपती


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems