गदिमा नवनित
  • दैवजात दु:खें भरतां दोष ना कुणाचा
    पराधीन आहे जगती पुत्र मानवाचा
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • तुला पाहते रे तुला पाहते
  • Tula Pahate Re Tula Pahate
  • ग.दि.माडगूळकर(गदिमा) | Ga.Di.Madgulkar


  •  

    तुला पाहते रे, तुला पाहते
    तुझी मूर्त माझ्या उरी राहते
    तुला पाहते रे, तुला पाहते
    जरी आंधळी मी तुला पाहते !

    तुझ्या संगतीचा जिवा ध्यास लागे !
    तुझ्या हासण्याने मनी प्रीत जागे
    तुझ्या गायने मी सुखी नाहते !

    किती

    भाग्य या घोर अंधेपणीही
    दिसे स्वप्‍न झोपेत, जागेपणीही
    उणे लोचनांचे सुखे साहते !

    कधी भक्‍त का पाहतो ईश्वराला ?
    नदी न्याहळी का कधी सागराला ?
    तिच्यासारखी मी सदा वाहते !


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems