गदिमा नवनित
  • विठ्ठलाचे पायी थरारली वीट, उठला हुंदका देहुच्या वार्‍यात,तुका समाधीत चाळवला.
    संत माळेतील मणी शेवटला,आज ओघळला एकाएकी....
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • ते माझे घर
  • Te Maze Ghar
  • ग.दि.माडगूळकर(गदिमा) | Ga.Di.Madgulkar


  •  

    ते माझे घर, ते माझे घर
    जगावेगळे असेल सुंदर
    असेल सुंदर !

    नक्षिदार अति दार तयाचे
    शिल्प तयावर बुद्धकलेचे
    चक्रे, वेली, मूर्ति मनोहर !

    अंगणी कमलाकृति कारंजे
    वरी अप्सरा एक विराजे
    झरतिल धारा ओलेतीवर !



    आकार मोठा, तरिही बैठा
    आतुन वेरुळ आणि अजिंठा
    वरी लालसर असेल छप्पर !

    पागोड्यांची शिखरे वळती
    तशी छप्परे छपरावरती
    कृष्णकमळिच्या वेली त्यावर !