गदिमा नवनित
  • पद्मासमान जन्मे हे काव्य जीवनी या या जीवनात काव्ये, काव्यात जीवने या!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • माघाची रात चांदणं त्यात
  • Maghachi Raat Chandana Tyat
  • ग.दि.माडगूळकर(गदिमा) | Ga.Di.Madgulkar


  •  

    माघाची रात चांदणं त्यात
    कुशी बदलून काही भागंना
    थंडीची झोप मला लागंना !

    डावा डोळा लवतो खुळा
    नशीब काही बाई जागंना
    थंडीची झोप मला लागं ना !

    सखा लढाईला गेला
    गेला तो अजून नाही आला
    घरी नार तरणी

    लागली झुरणीला
    तपास केला वाया गेला
    कुणीच काही मला सांगंना
    थंडीची झोप मला लागंना !

    दिवसभर मी तळमळते
    रात्री समईसंगं जळते
    बायकांचं दु:ख बायकांनाच कळते
    फुरफुर करी समईपरी
    घोड्याची टाप काही वाजंना
    थंडीची झोप मला लागंना !

    आता झाली ग पहाट
    किती न्याहाळू मी वाट ?
    आली जांभई, बाई माझी अवघडली पाठ
    पुन्हा सुरु तो रहाट
    माझे डोळे, त्याची वाट
    नीज नाही, सूज आली माझ्या डोळ्यांना दाट
    उचकी येते सई होते
    शकुनाचं फळं लाभंना
    थंडीची झोप मला लागंना !


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems