गदिमांची चित्रपटगीते शब्द | Marathi Film Song Lyrics
  •  
  • Box-C-30
  • धौम्य ऋषी सांगतसे रामकथा पांडवा
  • Dhaumya Rushi Sangatase Ramkatha Pandava
  • ग.दि.माडगूळकर(गदिमा) | Ga.Di.Madgulkar


  •  

    धौम्य ऋषी सांगतसे रामकथा पांडवा

    रामा संगे जानकी नांदताना काननी
    सोनियाचा सांबर आला तिच्या अंगणी
    सीता म्हणे लाडकी, "मारा त्यासी राघवा
    कातड्याची कंचुकी त्याच्या मला लेववा"

    राम गेले धावुनी ग बाणभाता घेऊनी
    सीता पाहे वाटुली ग दारी उभी राहुनी


    साद आला दूरचा कोणी मला वाचवा
    ओळखिला साद तो बावरली सुंदरा
    रामा मागे धाडिले लक्ष्मणा देवरा
    काय झाले काय की ग ? चित्ती उठे कालवा

    आश्रमाच्या अंगणी नार उरे एकली
    रावणाने पाऊले तोच पुढे टाकली
    बैराग वेषाने मागे तिला जोगवा
    डोळ्यांमधी आगळा भाव त्याच्या पेटला
    जानकीचा धीर सारा हाती पायी गोठला
    राक्षसाच्या हाती देह तिचा ओणवा


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems