गदिमा नवनित
  • का कालचा उद्याला देसी उगा हवाला
    द्यावाच वाटतो ना मग जीव दे जिवाला
    अव्हेर काय करिसी अनमोल या तनाचा
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • निघाले असतिल राजकुमार
  • Nighale Asatil Raajkumar
  • ग.दि.माडगूळकर(गदिमा) | Ga.Di.Madgulkar


  •  

    निघाले असतिल राजकुमार
    पथ मिथिलेचे असतिल चुंबित कमळदळें हळुवार

    कुठे पहाटे तृणांकुरांवर धुके पसरले असेल सुंदर
    हिमरंगावर निळी पाऊले उमटवित सुकुमार

    कुठे तरुतळी सायंकाळी विसावेल ती मूर्त सांवळी
    तरुशाखांनी असेल केला तारासम झंकार

    अंग थरथरे लवती लोचन समीप

    असतिल श्री रघुनंदन
    आज स्मराने हळू उघडिले आर्त मनाचे द्वार


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems