गदिमांची चित्रपटगीते शब्द | Marathi Film Song Lyrics
  •  
  • Box-C-30
  • निजरूप दाखवा हो
  • Nijarup Dakhava Ho
  • ग.दि.माडगूळकर(गदिमा) | Ga.Di.Madgulkar


  •  

    निजरूप दाखवा हो, हरि दर्शनास द्या हो

    अवरुद्ध साद माझा प्रतिसाद त्यास द्या हो
    आला गजेंद्र मोक्षा तैसे पुनश्च या हो
    जळत्या निळ्या वीजेची प्रभू एक झेप घ्या हो

    नरसिंह होवुनीया घुमवीत गर्जनासी
    शतसूर्य तेज दावा अज्ञात या जनासी
    भ्याला

    समुद्र क्रोधा ते रामचंद्र व्हा हो

    पार्थास दाविले ते प्रभू विश्वरूप दावा
    मुरली मनोहरा या व्हा वाजवीत पावा
    एका करांगुलीने गोवर्धना धरा हो

    राज:भ्रमा पटू द्या प्रत्यक्ष एकवार
    श्रीकृष्ण-विष्णू-राम तोचि विठू महार
    जाळी तनामनासी ती आग शांतवा हो


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems