गदिमा नवनित
  • हाती नाही बळ
    दारी नाही आड
    त्याने फुलझाड
    लाऊ नये
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • निळा समिंदर निळीच नौका
  • Neela Samindar Neelich Nauka
  • ग.दि.माडगूळकर(गदिमा) | Ga.Di.Madgulkar


  •  

    निळा समिंदर, निळीच नौका
    निळे वरी आभाळ
    निळी पैठणी, निळसर राणी
    निळीच संध्याकाळ

    बेतात राहू दे नावेचा वेग
    रातीच्या पोटात चांदाची रेघ

    डचमळ डुचमळ नकोच फार
    नावेत नवखी गर्भार नार
    चालु दे नाव जसा श्रावण मेघ



    नाजूक नारीला नकोच त्रास
    कळीच्या झोळीत लपला सुवास
    म्यानात राहू दे वार्‍याची तेग

    अलगद होऊ दे नौकेची चाल
    धिमाच राहू दे वल्ह्याचा ताल
    नकोस पाडू रे पाण्याला भेग

    पल्याड दिसतिया खाडिची वेर
    नाजुक नारीचे तिथे माहेर
    आवर मायेचा नारी आवेग


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems