गदिमांची चित्रपटगीते शब्द | Marathi Film Song Lyrics
  •  
  • Box-C-30
  • न्याहरी कृष्णाची घेउनी
  • Nyahari Krushnachi Gheuni
  • ग.दि.माडगूळकर(गदिमा) | Ga.Di.Madgulkar


  •  

    न्याहरी कृष्णाची घेउनी
    निघाली गवळण वृंदावनी

    वैशाख तापतो, ऊन न लागे तिला
    टोचता कळेना काटाही पाऊला
    हरीवेडी होउनी-
    निघाली गवळण वृंदावनी

    आजच्या पहाटे हाक मारल्याविना
    श्रीरंग जाई तो घेउनिया गोधना
    यमुनातटी चालली-
    निघाली गवळण वृंदावनी



    एकांत पाहुनी भेटुन मनमोहना
    आपल्या करे ती भरवील दध्योदना
    हनुवटी कुरवाळुनी-
    निघाली गवळण वृंदावनी


गदिमा गौरव | Special Quotes
  • पु.भा.भावे
    'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.
संबंधीत गाणी-कविता | Related Songs-Poems