गदिमांची चित्रपटगीते शब्द | Marathi Film Song Lyrics
  •  
  • Box-C-30
  • पाठ शिवा हो पाठ शिवा
  • Paath Shiva Ho Paath Shiva
  • ग.दि.माडगूळकर(गदिमा) | Ga.Di.Madgulkar


  •  

    पाठ शिवा हो, पाठ शिवा
    तारुण्यातही बाळपणाचा खेळ वाटतो हवा हवा

    बन केळीचे हरित सापळे, लपायास मज असे मोकळे
    प्रणयांधाला काय साजणी शिवाशिवीचा खेळ नवा ?

    नूपुर विरहित जरि तव पाऊल, अचुक मला पण लागे चाहुल
    कानांनाही फुटते दृष्टी तुझ्या ऐकता

    पायरवा

    उमटु न देईन साद पाउली, सरकन जाइन जशी सावली
    सामावून मज घेईल अलगद हा रंभांचा उभा थवा

    सावली होशिल, परि कशाची ?
    तुझ्या रूपाची, तुझ्या यशाची
    पाठलाग मग कुठे संभवे ? दोन जिवांचा जडे दुवा


गदिमा गौरव | Special Quotes
  • ग.दि.माडगूळकर(यवतमाळ,साहित्य संमेलनातील भाषणातून)
    गीत गायले जाते एवढया अपराधासाठी त्याच्या अंगावरची कवित्वाची भूषणे काढून कशासाठी घ्यायची? काव्यहीन गीते लिहिली जातात,तशी काव्यहीन कविताही पुष्कळ असते.पण छंदात रचलेली एखादी कविता कोणी तालस्वरावर गायली तर तिच्यातील कवित्व नाहीसे झाले असे कसे? माझ्यासारख्या एकाद्या कविला काव्य स्फुरते तेच छंदासह....
संबंधीत गाणी-कविता | Related Songs-Poems