गदिमा नवनित
  • प्रजा रंजवीतों सौख्यें तोच एक राजा
    हेंच तत्व मजसी सांगे राजधर्म माझा
    प्रजा हीच कोटी रूपें मला ईश्वराचीं
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • पाण्या तुझा रंग कसा
  • Panya Tuza Ranga Kasa
  • ग.दि.माडगूळकर(गदिमा) | Ga.Di.Madgulkar


  •  

    पाण्या, तुझा रंग कसा ?
    ज्याला जसा हवा तसा !

    चांदराती चंद्रापरी, काळ्या राती कृष्णापरी
    या रे कुणी तीरी बसा, ज्याचा त्याला दिसेल ठसा !

    पाण्या, तुझा गंध कसा ?
    मेळ ज्यासी घडे तसा !

    फेका तरी हार

    ताजा, मोगर्‍याचा वास माझा
    चंदनाने चंदनसा, गंधकाने गंधकसा !

    पाण्या तुझा स्वाद कसा ?
    ज्याला जसा हवा तसा !

    साखरेने गोड करा, द्राक्षरसे मधुर जरा
    अमृताने अमृतसा, विषासवे विष जसा !

    येती किती जाती किती, त्याची मला नाही भीती
    वाहतसे नित्य असा, कुणी हसा कुणी रुसा !


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems