गदिमा नवनित
  • जसा जन्मतो तेज घेऊन तारा!जसा मोर घेऊन येतो पिसारा!
    तसा येई घेऊन कंठात गाणे!असा बालगंधर्व आता न होणे!
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • पाहिली काय वेलींनो
  • Pahili Kay Velinno
  • ग.दि.माडगूळकर(गदिमा) | Ga.Di.Madgulkar


  •  

    पाहिली काय वेलींनो तन्वंगी माझी सीता
    देखिली काय वृक्षांनो शालीन धरेची दुहिता

    हे ताल तरुंनो तुमची गगनाला शीर्षे भिडली
    आकाशपथी ती तुमच्या दृष्टीस कशी ना पडली
    उत्तुंग गिरींनो कोठे टेकिला सतीने माथा

    मेघांनो तुम्हाही का वैदेही दिसली नाही
    जाणीव पुण्यस्पर्षाची

    पवना तुज झाली नाही
    बोलली नाही का काही ती व्योमपथाने जाता

    निष्पाप आसवे कैसी झेलली फुलांनो नाही
    हे विहंगमांनो सांगा तिजविषयी वार्ता काही
    एकटा जटायु का रे साक्षीस त्रिभुवनी होता


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems