गदिमांची चित्रपटगीते शब्द | Marathi Film Song Lyrics
  •  
  • Box-C-30
  • प्रीतिच्या पूजेस जाता
  • Preetichya Pujes Jata
  • ग.दि.माडगूळकर(गदिमा) | Ga.Di.Madgulkar


  •  

    प्रीतिच्या पूजेस जाता मी अशी का थांबले ?
    दाटते भीती उरी का, थबकती का पाऊले ?

    दर्शनाची ओढ जिवा, दार उघडे स्वागता
    अर्पणाचे तबक हाती, आडवी ये भीरुता
    स्‍त्रीपणाच्या जाणिवेने शेवटी का गाठिले

    चढुन जाता पायर्‍या या, मानिनी होते सती


    देवता येथून गेल्या, पद्मजा वा पार्वती
    पुण्यपंथी चालता या मीच का भांबावले

    दूर हो लज्‍जे जराशी, मजसी आता जाऊ दे
    साजरे सौभाग्य माझे मजसी पुरते पाहू दे
    दोन जीवा जोडणारे, जोडवे हे वाजले


गदिमा गौरव | Special Quotes
  • प्रा.रा.ग.जाधव
    माडगूळकरांनी सात आठशे वर्षांची विविध रुपरसांची परंपरा आधुनिक संस्कारांनी पुन्हा सजीव केली आहे.चैत्रबन म्हणजे या पुराण्या काव्यपरंपरेचे एक कलाप्रदर्शनच आहे.
संबंधीत गाणी-कविता | Related Songs-Poems