गदिमा नवनित
  • "नच स्वीकारा धना कांचना,नको दान रे, नको दक्षिणा
    काय धनाचें मूल्य मुनिजनां ? अवघ्या आशा श्रीरामार्पण"
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • फड सांभाळ तुर्‍याला ग आला
  • Phad Sambhal Ga Turyala Ga Aala
  • ग.दि.माडगूळकर(गदिमा) | Ga.Di.Madgulkar


  •  

    फड सांभाळ तुर्‍याला ग आला
    तुझ्या ऊसाला लागल कोल्हा

    मूळ जमीन काळं सोनं
    त्यात नामांकित रुजलं बियाणं
    तुझा ऊस वाढला जोमानं
    घाटाघाटानं उभारी धरली
    पेरपेरांत साखर भरली
    नाही वाढीस जागा उरली
    रंग पानांचा हिरवा ओला

    लांब रुंद

    पिकला बिघा
    याची कुठवर ठेवशील निगा ?
    सुरेख वस्तू म्हणजे आवतणं जगा
    याला कुंपण घालशील किती ?
    जात चोरांची लई हिकमती
    आपली आपण धरावी भीती
    अर्ध्या रात्री घालतील घाला

    तुला पदरचं सांगत नाही
    काल ऐकू आली कोल्हेकुई
    पोट भरल्याविना काही ढेकर येत नाही
    सार्‍या राती राहील कोण जागं ?
    नको बोलण्याचा धरूस राग
    बघ चिखलात दिसतात माग
    कुणीतरी आला अन्‌ गेला


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems