गदिमा नवनित
  • नसे राऊळीवा नसे मंदिरी जिथे राबती हात तेथे हरी!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • बदलती नभाचे रंग कसे
  • Badalati Nabhache Rang Kase
  • ग.दि.माडगूळकर(गदिमा) | Ga.Di.Madgulkar


  •  

    बदलती नभाचे रंग कसे !
    क्षणांत निळसर, क्षणांत लालस, क्षण सोनेरी दिसे !

    अशा बदलत्या नभाखालती
    बसते अवनी सदा बदलती
    कळी कालची आज टपोरे फूल होउनी हसे !

    मेघ मघा जे लवले माथी
    क्षणांत झाले धार वाहती
    फूल कालचे

    फळ होउनिया भरले मधुर रसे !

    काल वाटले स्पर्श नच करू
    त्या कीटाचे होय पांखरू
    वेगवेगळे रंग तयाचे, इंद्रधनू उडतसे !


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems