गदिमा नवनित
  • लबाड जोडी इमले माड्या, गुणवतांना मात्र झोपडया
    पतिव्रतेच्या गळ्यात धोंडा, वेश्येला मणीहार
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • बाई माझी करंगळी मोडली
  • Bai Mazi Karangali Modali
  • ग.दि.माडगूळकर(गदिमा) | Ga.Di.Madgulkar


  •  

    ऐन दुपारी, यमुनातीरी, खोडी कुणी काढली
    बाई माझी करंगळी मोडली

    जळी वाकुन मी घट भरताना
    कुठुन अचानक आला कान्हा
    गुपचूप येऊन पाठीमागुन, माझी वेणी ओढली

    समोर ठाके उभा आडवा
    हातच धरला माझा उजवा
    मीही चिडले, इरेस पडले, वनमाला तोडली



    झटापटीत त्या कुठल्या वेळी
    करंगळी हो निळसर काळी
    का हृषिकेशी मम देहाशी निजकांती जोडली


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems