गदिमा नवनित
  • दिला जन्म तू,विश्व हे दाविलेस.किती कष्ट माये,सुखे साहिलेस,
    जिण्यालागि आकार माझ्या दिलास,तुझ्या वंदितो माउली,पाउलांस!
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • बुगडि माझी सांडलि ग
  • Bugadi Mazi Sandali Ga
  • ग.दि.माडगूळकर(गदिमा) | Ga.Di.Madgulkar


  •  

    बुगडि माझी सांडलि ग
    जाता सातार्‍याला ग जाता सातार्‍याला
    चुगलि नगा सांगू ग
    माझ्या म्हातार्‍याला ग माझ्या म्हातार्‍याला !

    माझ्या शेजारी तरूण राहतो
    टकमक टकमक मला तो पाहतो
    कधि खुणेने जवळ बाहतो
    कधि नाही ते भुलले ग बाई,
    त्याच्या इशार्‍याला,

    त्याच्या इशार्‍याला !

    आज अचानक घरी तो आला
    पैरण, फेटा नि पाठीस शेमला
    फार गोड तो मजसी गमला
    दिला बसाया पाट मी बाई,
    त्याला शेजार्‍याला, माझ्या शेजार्‍याला !

    घरात नव्हते तेव्हा बाबा
    माझा मजवर कुठला ताबा
    त्याची धिटाई तोबा तोबा !
    वितळु लागे ग लोणी बाई,
    बघता निखार्‍याला, बघता निखार्‍याला !

    त्याने आणिली अपुली गाडी
    तयार जुंपून खिलार जोडी
    मीहि ल्याले ग पिवळी साडी
    वेड्यावाणी जोडीने ग गेलो,
    आम्ही बाजाराला, आम्ही बाजाराला !

    येण्याआधी बाबा परतून
    पोचणार मी घरात जाउन
    मग पुसतील काना पाहून
    काय तेव्हा सांगू मी ग बाई,
    त्याला बिचार्‍याला, त्याला बिचार्‍याला !


गदिमा गौरव | Special Quotes
  • पु.ल.देशपांडे:
    महाराष्ट्रावर आणि मराठी भाषेवर तर माडगूळकरांचे अनंत उपकार आहेत.इतर काहीही देण्यार्‍या माणसापेक्षा समाजाला गाणे देणार्‍या माणसाचे उपकार फार मोठे असतात.'Song has the longest life' अशी एक म्हण आहे.एक गाणे माणसांच्या पिढ्यानुपिढ्या बांधून ठेवते. एवढेच कशाला?.माणसाच्या मनाचे लहानमोठेपण ,रागव्देष घटकेत घालवुन टाकण्याचे गाण्याइतके दुसर्‍या कुठल्याही कलेत सामर्थ्य नसते.हजारो माणसे एक गाणे जेव्हा आनंदाने गातात त्या वेळेला त्या हजारांचे एक अंतःकरण होते.माडगूळकरांनी तर अशी शेकडो गाणी महाराष्ट्राला दिली.चित्रपटांना दिली, तमाशाच्या फडात, देवळात, शाळेत, तरुणांच्या मेळाव्यात, माजघरात, देवघरात, शेतामळ्यात, विव्दज्जनपरिषदेत...त्यांच्या गाण्याचा संचार नाही कुठे?.मराठी नाट्यसृष्टीत जी कामगिरी कै.देवलांनी केली,त्याच तोलामोलाचे कार्य माडगूळकर यांनी मराठी चित्रसृष्टीत केले आहे...म्हणूनच आम्ही सर्व माडगूळकर कलावंशाचे वारसदार ('Madgulkar Boys') आहोत,हे सांगायला मला अभिमान वाटतो.
संबंधीत गाणी-कविता | Related Songs-Poems