गदिमांची चित्रपटगीते शब्द | Marathi Film Song Lyrics
Box-C-30
मी भीक मागणारी
Me Bhik Magnari
ग.दि.माडगूळकर(गदिमा) | Ga.Di.Madgulkar
मी भीक मागणारी, दातार तू उदार
झोळीत टाकलासी का शेवटी नकार
मज आस आसर्याची, आश्वासिलेस तूही
होकार तोच आता गर्जे कठोर "नाही"
कुरवाळुनी कशाला केलास हा प्रहार
राजीव लोचनांच्या मी पिंजर्यात होते
डोळ्यांत भाव भोळा, ओठांत गोड गीते
पाळीव
पाखराची केलीस का शिकार
आता कुठे फिरू मी? पंखात जोम नाही
सारे दिले तुला मी, मज राहिले न काही
एका तुझ्याविना हे जग पेटले शिवार
गदिमा गौरव | Special Quotes
ग.दि.माडगूळकर(यवतमाळ,साहित्य संमेलनातील भाषणातून)
गीत गायले जाते एवढया अपराधासाठी त्याच्या अंगावरची कवित्वाची भूषणे काढून कशासाठी घ्यायची? काव्यहीन गीते लिहिली जातात,तशी काव्यहीन कविताही पुष्कळ असते.पण छंदात रचलेली एखादी कविता कोणी तालस्वरावर गायली तर तिच्यातील कवित्व नाहीसे झाले असे कसे? माझ्यासारख्या एकाद्या कविला काव्य स्फुरते
तेच छंदासह....