गदिमांची चित्रपटगीते शब्द | Marathi Film Song Lyrics
  •  
  • Box-C-30
  • मी वाजवीन मुरली
  • Me Vajavin Murali
  • ग.दि.माडगूळकर(गदिमा) | Ga.Di.Madgulkar


  •  

    मी वाजवीन मुरली वृक्षी बसून एका
    होऊनिया मुकी तू वाळूत काढ रेखा

    कालिंदिचा किनारा, ते शांत संथ पाणी
    राधामुकुंद दोघे, तिसरे न तेथ कोणी
    माया तुझी न्‌ माझी सांगू नकोस लोकां

    लोकांस काय ठावे संबंध हे युगांचे
    हे वेगळेच नाते

    प्रेमातल्या जनांचे
    दिसतो जरी न वारा झुलती कदंबशाखा

    मायेत याच दोघे, ये मायलेक होऊ
    प्रीतीत याच राधे होऊ बहीणभाऊ
    प्रेमास बंध नाही ही बंधने तरी का ?