गदिमांची चित्रपटगीते शब्द | Marathi Film Song Lyrics
Box-C-30
धीरे जरा गाडीवाना
Dhire Jara Gadivana
ग.दि.माडगूळकर(गदिमा) | Ga.Di.Madgulkar
धीरे जरा गाडीवाना रात निळी काजळी
मुलुख त्यात मावळी, मुलुख त्यात मावळी !
वाट चुके लवणाची वळणाचा पेच पडे
डोंगराच्या डगरींना घाटाचा माठ जडे
दोहीं बाजू दाट कुठे आंबराई जांभळी
मुलुख त्यात मावळी !
घुंगुराच्या तालावर सैल सुटे कासरा
खडकाशी चाक थटे बैल बुजे बावरा
पेंगुळता हादरती गाडीमंदी मंडळी
मुलुख त्यात मावळी !
करवंदी जाळिमंदी ओरडती रातकिडे
निवडंगी नागफणी आडविता चाल अडे
ठोकरली येथ गड्या बादशाही आंधळी
मुलुख त्यात मावळी !
गदिमा गौरव | Special Quotes
पु.भा.भावे
'मंतरलेल दिवस' वाचून झाले,मस्ती अजून आहे.यातल्या व्यक्ती,स्थळं,उगीचच पुनः पुन्हा डोळ्यांसमोर येतात.अस्वस्थ करतात.चांगलं काही वाचल्यानंतर हे असंच होतं.तीच त्यांच्या सामर्थ्याची पावती.शब्दाशब्दात सातारी मातीचा कस आहे.दुसरे काही बिघडले तरी माडगूळकरांचे आत्मकथनपर लिहिणे कधीही बिघडत नाही !.