गदिमांची चित्रपटगीते शब्द | Marathi Film Song Lyrics
  •  
  • Box-C-30
  • मोठंमोठं डोळं तुझं
  • Motha Motha Dola Tuza
  • ग.दि.माडगूळकर(गदिमा) | Ga.Di.Madgulkar


  •  

    मोठंमोठं डोळं तुझं, कोळ्याचं जाळं
    माझ्या डोळ्याची मासळी त्यात गावायची नाय्‌ रं !

    नको दावू धाक मला, डोळं तुझं झाक
    आल्यागेल्या भुलतिल, मी भुलायची नाय्‌ रं !

    लाडीगोडी सोड, भारी बोलणं तुझं गोड
    सवालाला जबाब मी देणार नाय्‌ रं !



    असशिल मोठा नाग, तर केवड्याखाली वाग
    गुलाबाचा गेंद तुला लाभायचा नाय्‌ रं !

    शिकारीची हाव तुला, हरिणीमागे धाव
    रानातली साळू तुला मिळायची नाय्‌ रं !

    पुरे तुझी ऐट, माझ्या बापाला भेट
    लगीन झाल्याबगार मी बधायची नाय्‌ रं !


गदिमा गौरव | Special Quotes
  • लेखक पु.भा.भावे:
    वास्तवतेतील गूढत्व व साधुत्व पाहावयासही माणसापाशी एक दृष्टी असावी लागते.माडगूळकरांचे पाशी ही दुर्मिळ दृष्टी आहे.ते नुसते आकाशाकडे पाहत नाहींत तर आकाशतत्त्वाकडे पाहतात.ह्या तात्त्विक दृष्टीनेच त्यांना आशयसंपन्न कथाचित्रे काढण्याचे सामर्थ्य दिले-अगदी दिवाकर कृष्णांपासून चालत आलेली चांगल्या कथांची परंपरा आज श्री.माडगूळकर चालवीत आहेत.
संबंधीत गाणी-कविता | Related Songs-Poems