गदिमांची चित्रपटगीते शब्द | Marathi Film Song Lyrics
  •  
  • Box-C-30
  • यशवंत हो जयवंत हो
  • Yashavant Ho Jayavant Ho
  • ग.दि.माडगूळकर(गदिमा) | Ga.Di.Madgulkar


  •  

    मुकेपणाने करिसी सेवा, तूच एकला मला विसावा
    दुवा काय मी तुजला द्यावा, यशवंत हो, जयवंत हो !

    दुबळ्यापोटी जन्मलास तू, नकोस दुबळा ठरू परंतु
    पुरेच कर तू माझे हेतू, यशवंत हो, जयवंत हो !

    बाळपणी तुज छळिते विपदा, थोरपणी तू मिळव संपदा


    धनवंताना जिंक दहादा, यशवंत हो, जयवंत हो !

    व्यर्थ जन्म रे विद्येवाचुन, ज्ञान जगातील घेई वेचुन
    कीर्ति आण तू पायी खेचुन, यशवंत हो, जयवंत हो !

    तू अंधाच्या हाती काठी, तू कुलदीपक आईपोटी
    तूच एक मज पुढती-पाठी, यशवंत हो, जयवंत हो !


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems