गदिमा नवनित
  • या वस्त्रांते विणतो कोण?,एकसारखी नसती दोन
    कुणा न दिसले त्रिखंडात त्या हात विणकर्‍याचे
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • या चिमण्यांनो परत फिरा रे
  • Ya Chimanyanno Parat Phira Re
  • ग.दि.माडगूळकर(गदिमा) | Ga.Di.Madgulkar


  •  

    या चिमण्यांनो परत फिरा रे, घराकडे अपुल्या
    जाहल्या तिन्हीसांजा जाहल्या

    दहा दिशांनी येईल आता अंधाराला पूर
    अशा अवेळी असू नका रे आईपासुन दूर
    चुकचुक करिते पाल उगाच चिंता मज लागल्या

    इथे जवळच्या टेकडीवरती, आहो आम्ही आई
    अजून आहे उजेड इकडे,

    दिवसहि सरला नाही
    शेळ्या, मेंढ्या अजुन कुठे ग, तळाकडे उतरल्या

    अवतीभवती असल्यावाचुन कोलाहल तुमचा
    उरक न होतो आम्हां आमुच्या कधिही कामाचा
    या बाळांनो, या रे लौकर, वाटा अंधारल्या


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems