गदिमा नवनित
  • "नच स्वीकारा धना कांचना,नको दान रे, नको दक्षिणा
    काय धनाचें मूल्य मुनिजनां ? अवघ्या आशा श्रीरामार्पण"
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • या सुखांनो या
  • Ya Sukhanno Ya
  • ग.दि.माडगूळकर(गदिमा) | Ga.Di.Madgulkar


  •  

    या सुखांनो या
    एकटी पथ चालले, दोघांस आता हात द्या, साथ द्या

    विरहांतीचा एकांत व्हा, अधीर व्हा आलिंगने
    गालीओठी व्हा सुखांनो भाववेडी चुंबने
    हो‌उनी स्वर वेळूचे वार्‍यासवे दिनरात या, गात या

    आमुच्या बागेत व्हा लडिवाळ तुम्ही पाखरे
    शयनघरच्या या छताची

    व्हा रुपेरी झुंबरे
    होऊ द्या घर नांदते तुम्हीच त्यांना घास द्या, हात द्या

    अंगणी प्राजक्‍त व्हा, सौधावरी व्हा चांदणे
    जोडप्याचे गूज जुईचे चिमुकल्यांचे रांगणे
    यौवनी सहजीवनी, दोन्ही मनांचे गीत व्हा, प्रीत व्हा


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems