गदिमा नवनित
  • प्रजा रंजवीतों सौख्यें तोच एक राजा
    हेंच तत्व मजसी सांगे राजधर्म माझा
    प्रजा हीच कोटी रूपें मला ईश्वराचीं
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • येणे जाणे का हो सोडले
  • Yene Jane Ka Ho Sodale
  • ग.दि.माडगूळकर(गदिमा) | Ga.Di.Madgulkar


  •  

    येणे-जाणे का हो सोडले, तोडले नाते
    पहिल्यावाणी येत जा सख्या, शपथ घालते

    सासरच्या घरी तुम्हास नसे अटकाव
    लागु नाही दिला कोणा मी मनाचा ठाव
    मानिती मला मामंजी, मानतो गाव
    चालते खालती बघुन जपून बोलते
    पहिल्यावाणी येत जा सख्या, शपथ घालते



    नऊवार नेसते निसून अंगभर चोळी
    तुळशीस घालते पाणी उठून येरवाळी
    तुकोबाची गाथा वाचते फावल्या वेळी
    रात्रीस होई उलघाल, आसू ढाळते
    पहिल्यावाणी येत जा सख्या, शपथ घालते

    ध्यानात पुन्यांदा येतो परताचा सोपा
    माहेरच्या मळ्यातील सांज हळदीचा वाफा
    ओसाड जुने देऊळ, पांढरा चाफा
    तुझ्यापाशी आज जिवलगा उघड बोलते
    पहिल्यावाणी येत जा सख्या, शपथ घालते


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems