गदिमांची चित्रपटगीते शब्द | Marathi Film Song Lyrics
  •  
  • Box-C-30
  • रंगवि रे चित्रकारा हीच माझी आकृती
  • Rangavi Re Citrakara Hich Mazi Aakruti
  • ग.दि.माडगूळकर(गदिमा) | Ga.Di.Madgulkar


  •  

    गुंजते सर्वांग माझे गोड उठती झंकृती
    रंगवि रे चित्रकारा हीच माझी आकृती

    काजळावाचून डोळे आज दिसती देखणे
    गोरट्या या अंगरंगा न्हाऊ घाली चांदणे
    अर्पणाच्या ओंजळीला आज लाभे स्वीकृती
    हीच माझी आकृती !

    दाटला रे हर्ष ओठी हळूच वळते हनुवटी


    रोमरोमी या शरीरी लाजरीची रोपटी
    उमज माझी मज पडेना स्वप्‍न की ही जागृती
    हीच माझी आकृती !

    अंगलटीची ऐट झाली आज का ही वेगळी
    मधुप पुढती थांबलेला फूल लपवी पाकळी
    अधीरले मी मीलनासी परि न करवे ती कृती
    हीच माझी आकृती !


गदिमा गौरव | Special Quotes
  • ग.दि.माडगूळकर(यवतमाळ,साहित्य संमेलनातील भाषणातून)
    गीत गायले जाते एवढया अपराधासाठी त्याच्या अंगावरची कवित्वाची भूषणे काढून कशासाठी घ्यायची? काव्यहीन गीते लिहिली जातात,तशी काव्यहीन कविताही पुष्कळ असते.पण छंदात रचलेली एखादी कविता कोणी तालस्वरावर गायली तर तिच्यातील कवित्व नाहीसे झाले असे कसे? माझ्यासारख्या एकाद्या कविला काव्य स्फुरते तेच छंदासह....
संबंधीत गाणी-कविता | Related Songs-Poems
गीतरामायण अॅप | GeetRamayan App
  • "गीतरामायण" आता ध्वनी व लिखित स्वरुपात गुगल प्ले/प्लेस्टोअर (Google Play/Play Store) वर अँड्रॉइड अॅप्लिकेशनच्या च्या स्वरुपात उपलब्ध आहे!.
    आजच डाऊनलोड करा

    GeetRamayan application now available on android phones,now enjoy geetramayan songs in audio and text on your mobile,for more details click on following link Download Link
  • Box-RB-1