गदिमांची चित्रपटगीते शब्द | Marathi Film Song Lyrics
  •  
  • Box-C-30
  • रंगू बाजारला जाते हो जाऊ द्या
  • Rangu Bajarla Jate Ho Jau Dya
  • ग.दि.माडगूळकर(गदिमा) | Ga.Di.Madgulkar


  •  

    रंगू बाजारला जाते हो जाऊ द्या
    दही इकाया नेते हो नेऊ द्या

    रंगू डुलत डुलत चालते
    गोर्‍या नाकात नथनी हालते
    हाक मारावी एकदा वाटते, वाटते, वाटते, राहु द्या

    जरा थांबून बोल ग रंगू
    माझ्या मनातलं कसं ग सांगू ?


    तुला पाहून काळीज तुटते, तुटते, तुटते, तुटु द्या

    रंगू वळख आहे मी कोण ?
    माझ्या पायातला पैंजण !
    मी पायातलं पायात ठेवते, ठेवते, ठेवते, ठेवु द्या

    तुझा पाठलाग रंगू करीन
    अशी मुरडून कान मी धरीन
    तुझं कानशील थोडं शेकते, शेकते, शेकते, चालु द्या

    केली थट्टा अंगाशी आली
    लाज रंगूची माझ्या गाली
    रंगू मर्दानी थाटात चालते, चालते, चालते, चालू द्या


गदिमा गौरव | Special Quotes
  • पं.महादेवशास्त्री जोशी
    गीतरामायण म्हणजे आदर्शाचा उत्तुंग पुतळा म्हटला, तर गीतगोपाल म्हणजे त्याच्या भोवतीच बहरलेले कुंजवन म्हणता येईल.तिथे प्रणाम करायचा,इथे विहार!गीतरामायणाची वाणी ही भारलेली आहे.तर गीतगोपालाची वाणी झंकारलेली आहे.गीतरामायण हा मराठी शारदेच्या मखरात बसतांना घालायचा मुकुट तर गीतगोपाल हा तिचा हळदीकुंकुवाला जातांना गळ्यात रुळवायचा रत्नहार म्हणणे संयुक्तिक ठरेल..
संबंधीत गाणी-कविता | Related Songs-Poems