गदिमा नवनित
  • या वस्त्रांते विणतो कोण
    एकसारखी नसती दोन
    कुणा न दिसले त्रिखंडात त्या, हात विणकर्‍याचे
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • बाई मी विकत घेतला श्याम
  • Bai Me Vikat Ghetla Sham
  • ग.दि.माडगूळकर(गदिमा) | Ga.Di.Madgulkar


  •  

    नाहि खर्चिली कवडीदमडी, नाहि वेचला दाम
    विकत घेतला श्याम, बाई मी विकत घेतला श्याम !

    कुणी म्हणे ही असेल चोरी
    कुणा वाटते असे उधारी
    जन्मभरीच्या श्वासांइतुके मोजियले हरिनाम !

    बाळ गुराखी यमुनेवरचा
    गुलाम काळा संतांघरचा
    हाच तुक्याचा विठ्ठल आणि

    दासाचा श्रीराम !

    जितुके मालक, तितुकी नावे
    हृदये तितुकी, याची गावे
    कुणि न ओळखी तरिही याला दीन अनाथ अनाम !


गदिमा गौरव | Special Quotes
  • कविवर्य कुसुमाग्रज (गदिमा गेले तेव्हा)
    महाराष्ट्र सरस्वतीचा लाडका पुत्र काळाने हिरावुन नेला.माडगूळकरांच्या निधनाने मराठी साहित्यातील उत्तम संस्कार मावळला.आणि एक सुंदर संगीत हरपले.विविध रसांवर विलक्षण प्रभुत्व करणारा त्यांच्या सारखा कवी अलीकडच्या काळांत झाला नाही.गीतरामायणाने माडगूळकर चिरंजीव झाले पण मराठीतील विविध रसांचे आणि कवितेतील अपूर्व चैतन्य गेले.
संबंधीत गाणी-कविता | Related Songs-Poems