गदिमा नवनित
  • अंत उन्नतीचा पतनीं होइ या जगांत
    सर्व संग्रहाचा वत्सा, नाश हाच अंत
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • विठ्ठला तू वेडा कुंभार
  • Vitthala Tu Veda Kumbhar
  • ग.दि.माडगूळकर(गदिमा) | Ga.Di.Madgulkar


  •  

    फिरत्या चाकावरती देसी मातीला आकार
    विठ्ठला, तू वेडा कुंभार !

    माती, पाणी, उजेड, वारा
    तूच मिसळसी सर्व पसारा
    आभाळच मग ये आकारा
    तुझ्या घटांच्या उतरंडीला नसे अंत, ना पार !

    घटाघटांचे रूप आगळे
    प्रत्येकाचे दैव वेगळे
    तुझ्याविना ते

    कोणा नकळे
    मुखी कुणाच्या पडते लोणी कुणा मुखी अंगार !

    तूच घडविसी, तूच फोडिसी
    कुरवाळिसि तू, तूच ताडिसी
    न कळे यातुन काय जोडिसी ?
    देसी डोळे, परि निर्मिसी तयांपुढे अंधार !


गदिमा गौरव | Special Quotes
  • कविवर्य बा.भ.बोरकर:
    आदिकवी वाल्मीकीने आपल्या स्वतंत्र सौंदर्यदृष्टीने विधात्याच्या सूक्ष्म आणि स्थूल सृष्टीतून नेमके सौंदर्य टिपून काढून त्यातून आपली रामकथा रचली.त्याचप्रमाणे कविश्री माडगूळकरांनी वाल्मीकीच्या काव्यसृष्टीतले वेचीव सौंदर्य आपल्या स्चयंभू प्रतिभेने बिनचूकपणे निवडले आहे.गीतरामायणातली काही गीते रामायणासारखीच चिरंजीव होऊन राहतील आणि त्याचबरोबरच माडगूळकरांचे -माझ्या बंधुतुल्य मित्राचे-नाव देखील.
संबंधीत गाणी-कविता | Related Songs-Poems