गदिमा नवनित
  • मागता गे न मिळे,टाळल्याने ना टळे,
    जीवमात्रा सोडिना हे, जन्म-मृत्यूचे जुळे.
मराठी युनिकोड फॉन्ट
गदिमांची चित्रपटगीते शब्द | Marathi Film Song Lyrics
  •  
  • Box-C-30
  • शपथ या बोटांची
  • Shapath Ya Botanchi
  • ग.दि.माडगूळकर(गदिमा) | Ga.Di.Madgulkar


  •  

    शपथ या बोटांची, शपथ या ओठांची
    तुझी मी जोडीदार

    शपथ वनाची रे, शपथ मनाची रे
    आकाशाची, दिशांगनाची
    शपथ धरतीची, शपथ नवतीची
    तुझी मी जोडीदार

    शपथ खगांची रे, शपथ नगांची रे
    प्रीत भारल्या उभ्या जगाची
    शपथ या वार्‍यांची, नभातील

    तार्‍यांची
    तुझी मी जोडीदार

    शपथ जळाची रे, शपथ कुळाची रे
    तरु-लतिकांची, फुलाफुलांची
    शपथ या श्वासांची, सुगंधीत वासांची
    तुझी मी जोडीदार

    शपथ आजची रे, शपथ उद्याची रे
    सागरवेड्या सर्व नद्यांची
    शपथ रे प्रीतीची, शपथ रे नीतिची
    तुझी मी जोडीदार


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems