गदिमांची चित्रपटगीते शब्द | Marathi Film Song Lyrics
  •  
  • Box-C-30
  • मिळुनी घेऊ संगीत शिक्षण
  • Miluni Gheu Sangeet Shikshan
  • ग.दि.माडगूळकर(गदिमा) | Ga.Di.Madgulkar


  •  

    शुभारंभ करू सारे आपण
    मिळुनी घेऊ संगीत शिक्षण

    सुरू कशाने होते शिक्षण ?
    ग म भ न

    संगीताचा आरंभ कसा ?
    संगीताचा आरंभ असा

    सा रे ग म प ध नि सा

    सा.. सा.. सा..


    सागर करितो आवाज कैसा?
    सागरास त्या येता भरती,
    बुडुनी जाती पार किनारे.
    चढत्या लाटांवरी तरंगत,
    गलबत चाले घेउनी वेग.
    गर्जत वाढी सिंधू दुर्गम,
    मनुष्य करतो संगर अंतीम.
    पडाव येती इवले झप झप,
    तोडीत पाणी लाटा सप सप.
    धरणी गाठी माणूस सावध,
    ना तर सागर करता पारध.
    नीलमण्यांच्या सुरसावाणी,
    उसंबळे वर पाणी पाणी.
    सारे सारे सरे शेवटी,
    भरती नंतर पुन्हा ओहोटी.

    सा रे ग म प ध नि सां रें सां नि ध प म ग रे सा

    'सा' सागर उसळे कैसा
    'रे' रेती बुडवी किनारे
    'ग' गलबत चाले लगबग
    'म' मनुष्य वादळी दुर्गम
    'प' पडाव येती झप झप
    'ध' धरणी गाठी सावध
    'नी' निळ्या सागरी पोहुनी
    सात स्वरांची ही कहाणी !

    सागर.. सा
    रेती.. रे
    गलबत.. ग
    मनुष्य.. म
    पडाव.. प
    धरणी.. ध
    नीलम.. नी
    सात स्वरांची ही कहाणी

    गमप गमप निधपमपधनिसां

    अचूक स्वरांवर गाता अक्षर
    जन्मा येते गीत मनोहर

    सारेगमपधनिसापसा


गदिमा गौरव | Special Quotes
  • बा.भ.बोरकर
    वस्तुत: माडगूळकरांचे गीतरामायण प्रभूरामचंद्र सिंहासनस्थ झाल्यावर सुरनरांच्या जयजयकारांत संपते. पण माडगूळकरांची प्रतिभा ते तिथे संपवित नाहीत...छंद आणि स्वर विराम पावले तरी तिचे तेज सरणारे दु:ख आपल्या अंतरात रेंगाळतच रहाते.यथाकाळ या रामायणाने पुन्हा नवा अवतार घ्यावा म्हणूनच तर त्यांच्या हातुन हे घडले नसेल?एवढे मात्र खास की तोपर्यंत आणि त्यानंतर देखील यातील काही गीते गीतरामायणासारखी चिरंजीव होऊन राहतील आणि त्या बरोबरच माडगूळकरांचे-माझ्या बंधुतुल्य मित्राचे नाव देखील!.
संबंधीत गाणी-कविता | Related Songs-Poems