गदिमांची चित्रपटगीते शब्द | Marathi Film Song Lyrics
Box-C-30
सासुर्यास चालली लाडकी शकुंतला
Sasuryas Chalali Ladaki Shakuntala
ग.दि.माडगूळकर(गदिमा) | Ga.Di.Madgulkar
सासुर्यास चालली लाडकी शकुंतला
चालतो तिच्यासवे, तिच्यात जीव गुंतला !
ढाळतात आसवे मोर-हरीणशावके
मूक आज जाहले सर्व पक्षि बोलके
यापुढे सखी नुरे, माधवी-लते, तुला !
पान पान गाळुनी दुःख दाविती तरू
गर्भिणी मृगी कुणी वाट ये तिची धरू
दंति
धरुनि पल्लवा आडवी खुळी तिला !
भावमुक्त मी मुनी, मला न शोक आवरे
जन्मदांस सोसणे दुःख हे कसे बरे ?
कन्यका न, कनककोष मी धन्यास अर्पिला !
गदिमा गौरव | Special Quotes
लेखक पु.भा.भावे:
वास्तवतेतील गूढत्व व साधुत्व पाहावयासही माणसापाशी एक दृष्टी असावी लागते.माडगूळकरांचे पाशी ही दुर्मिळ दृष्टी आहे.ते नुसते आकाशाकडे पाहत नाहींत तर आकाशतत्त्वाकडे पाहतात.ह्या तात्त्विक दृष्टीनेच त्यांना आशयसंपन्न कथाचित्रे काढण्याचे सामर्थ्य दिले-अगदी दिवाकर कृष्णांपासून चालत आलेली चांगल्या कथांची परंपरा आज श्री.माडगूळकर चालवीत आहेत.